Abaalmarinada ay Shirkadda Isgaarsiinta Nation Link macaamiisheeda siisay ayaa ahaa kuwo Baqtinasiib ah, waxaana abaalmarinada Helaayay qofkii Todobaad gudihiisa Isticmaala ugu yaraan 3-doolar, waxaana macaamiisha la siinaayay lacag dhan 50-doolar, 75-doolar iyo 100-doolar.

Munaasabadaasi Tijaabi Nasiibkaada ayaa waxaa ka soo qeybgalay aqoonyahano, Ganacsato, Abwaano iyo saxafiyiin, waxaana halkaasi lagu soo bnandhigay qaab cusub oo Batiyanasiib ah, iyadoo nambarada ay ahaayeen kuwo ay isku qasayeen Aalada Computer-ka, waxaana halkaasi laga daawanayay nambarada oo isku qasmaya, waxaana si cadaalad ah howshaasi u fulinaayay rag ka madaxbanaan Shirkada iyadoo halkaasi lagu doortay Gudi sadax xubnood ah oo kala ah Ruux Abwaanada ah, ruux Saxaafadda ka socda iyo mid ka socda Bahda waxbarashada, kuwaasi oo uu mid markiisa Computer-ka fariisanaayay si loo arko cadaalada.

Mid ka mid ah Macaamiisha Shirkada Isgaarsiinta oo ka mid ahaa dadkuu ku guulaystay baqtiya nasiibkaas oo la wacay Nambarkiisa ayaa sheegay in la dhaho Magaciisa Cali Abuukar Siyaad, isagoo waqtigaasi cadeeyay inuu joogo Magaalada Ceel Buur ee Gobolka G/Gaduud, isagoo miijiyay inuu si aad ah ugu faraxsanyahay ku guulaysiga Barnaamijka Tijaabi Nasiibkaada, sidoo dad kale oo iyana ku guulaystay oo ay saxaafadda la xiriirtay ayaa halkaasi ka sheegay inay ku faraxsan yihiin.

Ujeedada barnaamijkaan ayaa ah u diyaargarowga Munaasabada 11-aad ee ka soo wareegtay sandguurada Aasaaska Shirkadda Isgaarsiinta Nation Link, waxana uu soconayaa ilaa 26-ka Febaraayo 2009-ka, iyadoo todobaad kasta maalinta Khamiista lagu qabanaayo xarunta Shirkadda ee Suuqa Bakaaraha ee magaalada Muqdisho.