Qowleysata madow oo south african ah ayaa xalay saqdii dhexe weerar gaadmo ah ku qaaday dukaan uu lahaa ganacsahaan la dilay, iyagoo gaas iyo tara ku gubay dukaanka xili ay dhex jiifeen muwaadiniintaani midi dhintay kan kalena dhaawaca yahay.

Koxaha dab damiska (ambalance)ayaa si aan dhaqsi ku jirin u soo gaaray goobta ganacsi ee lagu gubay muwadiniintan, iyagoo demiyay (baqtisiiyay) dabkii lagu gubay dukaanka oo cirka isku sii shareerayay waxaana laga soo saaray dukaanka labadii nin ee iska lahaa dukaanka oo uu midkood ku dhintay midka kalena dhaawac ba,an ka soo gaaray.

Boliska degmadaasi samoora ayaa iyana gaaray goobta sida arxan darrada ah ee lagu gubay muwaadiniintaan oo sheegay inay baaritaano ku sameyn doonaan dadkii geystay falkani naxdinta eh ee huwan murugada.

Allaha u naxariistee marxuumka dhintay ayaa waxaa lagu magacaabayay Ismaaciil Cabdi Ciid oo lagu aasay qabuuraha muslimiinta ee magaalada cape town, iyadoo kan kale ee dhaawaca soo gaarayna lagu magacaabo Salaad Maxamed Cali oo iminka lagu daweynayo cisbitaalka tegaburg ee magaalada cape town.

Dilalka ka dhaca dalka koonfur africa ayaa u badan muwaadininta soomaalida ee aan waxba galabsan la weeraro iyagoo ku sugan goobahooda ganacsi, iyadoo booliska wadankani south africa aaney dib u raacin kiiskooda amaba maxkamad soo taagin dadkii ka dambeeyay.

Isku soo wada duub dilalkaani loo geystay muwaadiniintan soomaalida ayaa imaaneysa xili dhowaan tuulada yanga lagu dilay muwaadin soomaaliyeed oo u geeriyooday dhaawac ka soo gaaray toori ay ku dhufteen kooxo tuugo ah oo doonayay inay dhac u geystaan dukaakisa.

Mustafa xasan wabax mustafaxasan737@hotmail.com Cape town South Africa.