Afhayeenka Ciidanka Uganda Felix Kulayigye ayaa magaalada Kampala ka sheegay in Ciidamada Shaabul Mujaahidiin ay 2 Askari uga dileen dagaalkii cuslaa ee dhawaan ka dhacay degmada Boondheere ee magaalada Muqdisho.

Idaacad ku taal magaalada Kampala ayaa baahisay war lagasoo xigtay Afhayeen Felix Kulayigye oo Xaqiijiyay in Askari ka dhimatay “Saacadu markii ahayd 4:00 Galabnimo maalinimo Arbaca ah ayaa laba Askari Uganda looga dilay dagaal Muqdisho ka dhacay”ayuu yiri Felix Kulayigye.

Mid kamida Askarta ladilay waxaa lagu magacaabi jiray Ismael withheld oo ahaa 27 sana Jir kasoo jeeda qoys Sabool ah oo aan Nolol wanaagsan haysan balse ladilay isagoo madaafiic ku garaacaya shacab Soomaaliyeed oo caasimadooda ku sugan.

“Khasaare weyn ayay u tahay qoykeena, markii ugu dambaysay ee uu wadanka kusoo laabtay xaas cusub ayuu guursaday, wuxuuna ahaa curadka hooyadeen aad baan u jeclayn walaalkeen” ayuu yiri walaalkiis oo lagu magacaabo Ayimani.

Qoyska Wiilka laga dilay waxay sheegeen in wiilkooda uu sanadkiiba mar lacago uu Soomaliya kasoo shaqeeyay ugayn jiray kadibna qoyska Beero ku tacba jireen si ay Noloshooda u maareeyaan, lama sheegin magaca Askariga kale ee laga dilay ciidamada Uganda.

Dowladda Uganda loogama baran in ay sheegto khasaaraha ciidankeeda kasoo gaara dagaalada culus ee ka socda magaalada Muqdisho, khasaaraha ay Uganda sheegatay ayaa laga cabsi qabaa in ay intaasi ka badanyihiin balse Xukuumadda Uganda ay shacabkeeda ka qarinayso.

Dagaalada culus ee ka guran degmooyinka Boondheere iyo Shangaani ee magaalada Muqdisho ayaa sababay in ciidanka Uganda ay dhaafi waayaan Hotelka Jubba iyo Isgoyska Boondheere kadib markii xoogaga Shabaab ay difaacyadooda adkaysteen.

Xigasho: Allgedo Online